Este xoves finou Aretha Franklin, a voz feminista do soul.
Era, talvez, a derradeira voz da época dourada do soul. Aretha Franklin, intérprete poderosa, irredutíbel, símbolo da emancipación da muller afroamericana, encarnación de himnos rebeldes da altura de Respect ou Young, gifted and black, morreu esta quinta feira aos 76 anos de idade.É lugar común que Respect, escrita por Otis Redding pero reapropiada para a causa dos movementos civís e o feminismo por Franklin, foi un dos himnos chave das rebelións dos 60. Menos coñecido é que Aretha se chegou a ofrecer para pagar, en 1970, a fianza da dirixente comunista afroamericana Angela Davis. “Tanto ten se son 100.000 dólares ou 250.000”, dixo, “a xente negra debe ser libre. Eu estiven presa por alterar a paz en Detroit, e sei que unha altera a paz cando non ten paz. Estar na cadea é un inferno”.
Ningún comentario:
Publicar un comentario