Obradoiro de autodefensa

OBRADOIROS DE AUTODEFENSA

 O III Plan de Igualdade entre Mulleres e Homes do  Concello de Pontevedra nace cun obxectivo clave; dotar ao concello dun marco de actuación en materia de igualdade de oportunidades entre mulleres e homes.

Estrutúrase arredor de 3 grandes áreas que marcarán os ámbitos de actuación durante os vindeiros tres; a súa vez, estes correspondense con unha serie de  obxectivos estratéxicos, que se operativizan en medidas e accións concretas a desenvolver.

 Unha das áreas a tratar, é a abordaxe integral da  violencia de xénero,  a través da posta en marcha de medidas e actuacións encamiñadas a promover a saúde integral das mulleres e o seu autocoidado como mecanismo de prevención da violencia machista . Partindo desta premisa; resulta fundamental pois, dotar ás mulleres dos mecanismos de defensa tanto físicos como psíquicos fronte a un posible agresor, de xeito que a través das técnicas aprendidas poidan saír ilesas dunha situación de agresión.

OBXECTIVOS:

-  Analizar os porqués da violencia sexista, que é o maior dos problemas no acceso os dereitos das mulleres como cidadás.

-  Dotar ás mulleres dos mecanismos precisos para responder e resolver as situacións de agresións que poden sufrir na súa vida cotiá.

-  Concienciar ás mulleres sobre os seus dereitos e capacidades fomentando a confianza e a seguridade mediante a

-  Eliminación dos estereotipos sobre a debilidade física feminina.

-  Reforzar a auto confianza na muller con diversas técnicas que se porán en xogo nunha situación de perigo ou ameaza

DESTINATARIAS:

Mulleres maiores de 16 anos. As prazas  estarán limitadas a 20 persoas .Os grupos de traballo formados son de tamaño reducido para respectar os tempos de aprendizaxe e as individualidades de cada unha das asistentes e facilitar deste xeito  a súa  participación e un tratamento axeitado dos contidos presentados dada a importancia da temática a tratar;  non podemos esquecer que falamos de técnicas orientadas a dar unha resposta práctica fronte a violencia machista.

 CONTIDOS:

Parte teórica:           Que é a violencia de xénero. Análise e tipoloxía.           Ciclo de violencia.            Identificación das situacións de violencia.

Parte práctica:           Hábitos e conductas de actuación.           Técnicas de inmobilización.            Formas de defensa e bloqueo.

E ÓRICA PARTE PRÁCTIC

METODOLOXÍA:

Empregarase unha metodoloxía de carácter participativo, na que se articularán dúas grandes áreas de traballo; por unha banda, unha parte teórica na que se promoverán técnicas grupais , debates…e por outra, unha parte práctica , na que se traballarán a súa vez aspectos físicos e psicolóxicos para que as mulleres tomen consciencia dos seus dereitos, da súa forza e da súa valía a través do traballo físico.

TEMPORALIZACIÓN:

A duración total do presente obradoiro é de 3 horas, que se estruturan  tal e como detallamos a continuación:

INICIO DA XORNADA	Momento no que se presentará brevemente o obradoiro, a/o docente levará a cabo unha pequena dinámica de presentación para facilitar o coñecemento entre si das participantes e romper o xeo.
DESENVOLVEMENTO DA PARTE TEÓRICA	A duración total será de 75  minutos nos que levarán a cabo actividades de carácter individual e grupal  para abordar a temática detallada no punto anterior.
DESCANSO	15 minutos
DESENVOLVEMENTO PARTE PRÁCTICA	Duración 90 minutos
FINALIZACIÓN DO OBRADOIRO	Momento de conclusións, reforzo de ideas principais e cumprimentación por parte das asistentes dos cuestionarios de satisfacción para a avaliación da actuación.

RECURSOS  HUMANOS:

§  Responsable da impartición parte teórica:  Licenciada en psicoloxía , experta en igualdade de xénero.

§  Responsable da impartición da parte práctica: Policía local experta en obradoiros de autodefensa.